Waktu kami nak ngetam (panen padi), kami ngumpolan urang, ngajaki urang, sanak, dulor,kelurge segela-gela diajaki untuk nak pegi kuma ngetam. Lah detang ke ari na, pai pegi segela-gela birombongan. Ade yang bijelan, ade yang bikareto, ade juge yang bimotor. Dangilok uma ni takde jioh nian, jedi tak lama lah detang.
Idar detang ke uma, kekelekan padina lah nguning lah siap nian nak diketam. Tp, kami maseh ka dengau dulu untuk nak nyiapan apa-apa. Lah begoyor nak getam, campoh ari ujan lebyat. Betedoh pula sagela-gela ka dengau. Tapi dengau ni takde besak nian, jedi birimpit segela-gela uleh takut besah. Gewe sarupa kani yang gelak ngelalakini. Ulehna mun tak tebenar ngaworongan gewe.
Ari lah bigoyor lege, malek mulai nak ngetam, tapi rasana kurang nyaman, ulehna padi nak diketam ni besah nian. Tapi bigoyor, nggok lambat yang penting tajelan. Mulai deri kepok kiri, lah begoyor mulai, tajelan sudah sakepok kami birenti dulu. Ulehna maseh benyak, umani ade empat kepok. Pas nyuboi jam lah jam sebelas siang, tayohna lah tenggi ari. Laju makan dulu sagela-gela, ulehna lah lapar naian. Ade yang ngomong, “ Tanggohku tak sudah sari keni ketaman kani, uehna alangkan gik benyakna.” Ade yang nyimbat, : bigoyor oy, yang penting sari keni talaju ngetam. Sudah makan, istirahat biasa, biceca sagela-gela. Ade yang mandik, ade yang sembayang Zohor, ulehna ari lah siang nian.
Sudah berenti, nak bigoyor negtam pula. Kalu tadi lah ngena sakepok, kani kepok pendue. Pas bigor di ke pendue, ari lah ujan pula. Nah laju tambah lalak, mun nak ujan terus. Lah berenti pula ka dengau. Ketaman tak sudah. Urang lah benyak lesu nak ngetam. Uji sikok,” kalu worongan bie oy ngtam to dulu, sara mun nak ujan teros cara kani.” Ujong-ujong na laju cawis nak belek bie, makanan gik benyak dibegi-begian ka urang. Engka belek sagela-gela, ngetam laju tak sudah.
0 komentar:
Posting Komentar